A maior parte do membros do grupo HC1 forman parte do equipo de innovación educativa “Investigación e innovación docente en historia” (I2HD).
Coordinador/a
-
- Julio Prada Rodríguez
Participantes
-
-
- Jesús de Juana López
- Luis Domínguez Castro
- José Ramón Rodríguez Lago
- Domingo Rodríguez Teijeiro
- Luis Velasco Martínez
-
Liñas de actuación
A Área de Historia Contemporánea desenvolve Xornadas de Historia de Galicia para que o estudantado poida ampliar a súa formación e poder estar en contacto con persoas especialistas en diferentes parcelas da historia de Galicia. Tamén leva a cabo cursos de verán relacionados con temas como a Guerra Civil, a represión, a historia local ou a historia con perspectiva de xénero.
Ademais véñense realizando xornadas de formación que combinan a docencia presencial coa utilización das TIC e a formación en liña en colaboración con outras entidades alleas á Universidade de Vigo. O cerne destas xornadas son a formación en temas transversais, actividades vinculadas coas materias do currículo, a formación en didáctica ou a problemática do ensino-aprendizaxe.
Habería que engadir as diferentes edicións das Xornadas O Ensino da Historia na Universidade e o Bacharelato.
As persoas que forman o grupo imparten a súa docencia en seis facultade distintas nos tres campus da Universidade de Vigo. A heteroxeneidade do estudantado, as diferentes motivacións… esixen unha forma de impartir a docencia que representa unha oportunidade para o intercambio de experiencias.
Obxectivos
Os obxectivos que perseguen o grupo de traballo son o seguintes:
-
-
- Promover a creación dun espazo de reflexión que integre e dea continuidade ás accións levadas a cabo de xeito individual polo profesorado da Área de Historia Contemporánea, deseñando unha estratexia de traballo plurianual que permita a planificación cunha visión estratéxica das devanditas accións.
- Xerar un grupo de traballo estable que dea continuidade ás accións desenvolvidas.
- Fomentar o deseño e renovación das metodoloxías docentes activas para favorecer a participación do estudantado na aprendizaxe das diferentes materias que forman parte do encargo docente da área.
- Facilitar a difusión e visibilidade das accións promovidas polo grupo.
-
Plan de traballo
O grupo proponse como tarefas fundamentais a elaboración, a experimentación e a avaliación de materiais centrados na Historia das Relacións Internacionais, que conforman diferentes unidades temáticas que se imparten nas materias de Historia do Mundo Actual (Grao en Xeografía e Historia, 3º curso) e Historia do Presente (Grao en Educación Primaria) e a súa integración en unidades didácticas.